وزیراعظم محمد نواز شریف دا حیدرآباد اچ ورکرز کنونشن توں خطاب

حیدر آباد ۔ 27 مارچ (اے پی پی)وزیراعظم محمد نواز شریف آکھیا جو اج نواں پاکستان بنڑدا پئے ،پاکستان دا شمار دنیا دے ترقی یافتہ ملکاں اچ ہوسی،ملک اچ دہشت گرداں دی چیل بھج گئی اے،کراچی اچ امن قائم کر ڈتے،بلوچستان سمیت پورا ملک ترقی آلے پاسے ٹردا پئے ،کراچی توں لاہور تئیں موٹروے بنڑدی پئی اے،سندھ دی عوام ڈے ووٹ منگنڑ آلیاں توں پچھنڑاں چاہیدے جو انہاں ملک سانگے کیا کیتے؟وزیراعظم حیدرآباد اچ یونیورسٹی اتے بین الاقوامی ہوائے اڈے اتے50کروڑ روپے دے ترقیاتی فنڈز،بجلی تے گیس دی فراہمی دی سکیماں اتے ہیلتھ کارڈ سکیم دے اجراء دا وی اعلان کیتا۔سنوار کوں اتھاں ورکر کنونشن نال خطاب کریندیں ہوئیں وزیراعظم محمد نواز شریف کنونشن اچ شریک کارکناں دے جوش تے جذبے کوں سراہندیں ہوئیں آکھیا جو انہاں ڈے ایں جوش تے جذبہ دی تعریف سانگے الفاظ کائنی ۔انہاں آکھیا جو میں کارکناں کوں دل دی گہرائیاں نال سلام پیش کرینداں۔وزیراعظم آکھیا جو جئیں ویلھے او کنونشن اچ شریک تھیونڑ سانگے اتھاں امدے پئے ہن تاں رستے اچ بہوں سارے نینگر اتے اساڈی بھینڑیں واپس ویندی پئی ہن اتے اتھاں کافی رش ہا اتے کافی لوک جمع ہن ،جئیں سانگوں او لوک مجبوراً واپسی ویندے پئے ہن اتے میکوں افسوس تھیندا پئیا ہئی او جاہ نہ ہوونڑ پاروں واپس گھن اتے میں انہاں نال معذرت کرینداںاتے میں ولا حیدرآباد امساں اتے انہاں نال ملساں اتے انہاں نال دل دی گالھیں کریساں ۔انہاں آکھیا جو مثالی جوش تے جذبہ تے میں حیدرآباد دی عوام کوں مبارک باد ڈینداں۔

مضمون کا ماخذ : لوٹیریا علاقائی

متعلقہ مضامین