وزیر اعظم محمد نواز شریف دا داخلہ سلامتی دی صورتحال اتے نیشنل ایکشن پلان تے عملدرآمد دے جائزہ اجلاس نال خطاب

اسلام آباد ۔ 9 اگست (اے پی پی) وزیر اعظم قومی لائحہ عمل بارے تفصیل نال غور سانگے وڈا اجلاس کل سڈ گھدا،انتہا پسندی اتے دہشت گردی دے خلاف بھرپور نتیجے گھنڑ سانگے قانون نافذ کرنڑ آلے ادارے،صوبائی اتے وفاقی حکومت وچال تعاون دی لوڑھ اے،پاکستان کوں دہشت گردی اتے انتہا پسندی توں محفوظ بنڑیسوں،ملک سدھے پاسے ٹردا پئے ،ہر شہری کوں ہک محفوظ،مستحکم اتے خوشحال پاکستان دے فائدے توں فائدہ چاونڑ دے قابل بنڑایا ویسی۔اے گالھیں انہاں بدھ کوں وزیر اعظم ہائوس اچ داخلی سلامتی دی صورتحال اتے نیشنل ایکشن پلان تے عملدرآمد دے جائزہ اجلاس دی صدارت کریندیں ہوئیں آکھی۔اجلاس اچ ملک دی داخلی سلامتی دی صورتحال اتے نیشنل ایکشن پلان دے مختلف پہلواں تے تفصیلی غور کیتا گئیا۔ وزیر داخلہ چوہدری نثار علی خان اتے قومی سلامتی مشیر لیفٹیننٹ جنرل (ر) ناصر خان جنجوعہ وزیر اعظم کوں ڈسایا جو کینویں دہشت گرد دی تنظیماں سوکھے ہدف کوں نشانہ بنڑیندی پئی ہن ۔اجلاس اچ نوٹ کیتا گئیا جو فاٹا اچ ضرب عضب دے کامیاب نتائج دے حصول دے بعددہشت گرداں مایوسی دے عالم اچ ہنڑ آپنڑے اہداف ریاستی اداریاں آلے پاسے کر گھدن ۔وزیرا عظم پاکستان کوں دہشت گردی اتے انتہا پسندی توں محفوظ بنڑاونڑ دا عزم کیتا۔انہاں آخھیا جو دہشت گرد سمجھدن جو او قوم اچ انتشار اتے نفاق دا بج بو ڈیسن جڈانجو پوری قوم پاکستانی معاشرے توں دہشت گردی دے پورے خاتمے سانگے کٹھی اتے حکومت دی حمایت کریندی اے۔اجلاس اچ وزیرخزانہ سینیٹر اسحاق ڈار، وزیراعظم دے مشیر برائے خارجہ امور سرتاج عزیز، وزیراعظم دے معاون خصوصی سید طارق فاطمی اتے بئے سینئر حکام شریک تھیے۔

مضمون کا ماخذ : لاٹری کھیلنے کا طریقہ

متعلقہ مضامین