بھارت پاکستان دے نال بغض اچ افغانستان دے نال یاری لیندا پئے افغان صدر مودی دی زبان نہ بولن ،پاکستان اوکھے ویلھے اچ ہمیشہ افغانستان دے نال کھڑا رہیا ،سید خورشید شاہ

اسلام آباد ۔ 6 دسمبر (اے پی پی) قومی اسمبلی اچ قائدحزب اختلاف سیدخورشید شاہ آکھیا ہے جو بھارت پاکستان دے نال بغض اچ افغانستان دے نال یاری لیندا پئے ،اتے افغانستان تے بھارت دی یاری دے پچھوں او مقاصد وختی نشابر تھی ویسن ۔افغانستان کوں اے گالھ یاد رکھنڑی چاہیدی ہے جو بھارت دے نال نویں نویں یاری اچ اتنا پرے نہ نکل ونجے جو واپسی دا رستہ اوکھا تھی ونجے ۔اپنڑے ہک بیان اچ افغان صدر اشرف غنی دی تقریر تے رد عمل اچ انہاںآکھیا جوافغان صدر اپنڑے عوام کوں عزیز رکھن اتے مودی دی زبان نہ بولن ۔انہاں آکھیا جو پاکستان دہائیاں تئیں صرف لکھاں افغان مہاجراں دی ڈیکھ بھال کیتی بلکہ اوکھے ویلھے اچ افغان عوامکوں انہاں دے ملک اچ بری تے بحری رستیں دے ذریعے ضروریات زندگی وی ڈتیاں ۔اشرف غنی او ویلھا بھل گے ہن جڈاں سوویت یونین دے حملے دے ویلھے بھارت روس دے نال کھڑا ہا اتے افغانستان دی بردباری دا تماشا ڈیکھدا پیا ہا ۔افغانستان دے نال بھارت دی نویں نویں یاری دا پردہ نشابر تھی ویسی ۔انہاں آکھیا جو افغانستان عالمی طاقتاں دی وکیڑ اچ رہیا ہنڑ اینکوں اندازہ کائنی جو آزاد تے خود مختار ملک عالمی برادری اچ اپنڑی جاہ کیویں بنڑیندے ہن کوئی وی ملک وختی ،خوشامد تے مطلب پرستی نال دنیا اچ با وقار جاہ نی گھن سگدا۔افغان صدر دے اے الفاظ پاکستان افغانستان کوں مدد ڈیونڑ دی بجائے اے رقم دہشت گرداں دیاں پناہ گاہیں مکاونڑ سانگے استعمال کرے بہوں قابل مذمت ہے ۔اساں لکھاں افغان مہاجراں کوں اپنڑے ملک اچ پناہ ڈتی اتے ولا دہشت گردی تے بد امنی دا کھاڑہ بنڑ گے مگر اساں افغانستان کوں برادر ملک ہوونڑ دے ناطے کڈاہیں وی الزام نی لاتا ایندے چنگے اتے اوکھے ویلھے اچ ہمیشہ ایندے نال کھڑے رہیوں۔

مضمون کا ماخذ : loteria Ceará

متعلقہ مضامین