سائنس و ٹیکنالوجی اچ تعاون پاکستان چین تعلقات دا اہم حصہ اے، چینی ناظم الامور پانگ چنکسو دا تقریب نال خطاب

اسلام آباد۔ 8فروری(اے پی پی)سائنس و ٹیکنالوجی اچ تعاون پاکستان تے چین دے ݙوطرفہ تعلقات دا اہم حصہ اے، ݙوہاں ملکاں کٹھے 475 توں ودھ تحقیقی منصوبیاں کوں فنڈز ݙتن جیندے اچ زراعت، ایرو اسپیس اتے کیمیائی صنعت وی شامل اے۔ اے ڳالھ چینی ناظم الامور پانگ چنکسو چین پاکستان خلائی سائنس و ٹیکنالوجی تعاون دی تقریب نال خطابا چ آکھی۔ انہاں آکھیا جو 1976 اچ ݙوطرفہ بین الحکومتی سائنس و ٹیکنالوجی تعاون معاہدے دے چنقے نتیجے نکلین، آبی وسائل دے تحفظ، طبی و صحت دی ݙیکھ بھال، بائیو ٹیکنالوجی، کمپیوٹر سائنس، ماحولیات، توانائی، موسمیات، ارضیات اتے ٹیکنالوجی دے شعبیاں اچ ودھ منصوبیاں دی مالی معاونت کیتی ڳئی اے۔ انہاں آکھیا جو اڄ اتھاں چین دے خلائی سٹیشن اچ 6 مہینے بعد پاکستانی ادویاتی ٻوٹیاں دے ٻڄ ݙیوݨ آئے ہیں، شینزو XIV خلائی جہاز پچھلے سال جون اچ ہک سائنسی تجربے کیتے خلا اچ ٻھیڄیا گیا ھا اتے پچھلے سال دسمبر اچ بحفاظت زمین تے ولیے۔ اے پہلا موقع اے ڄݙاں پاکستانی پودے خلا اچ بھیڄین۔ اے تجربہ چین پاکستان سنڳت دی تاریخ و سائنس و ٹیکنالوجی دے تعاون دی ٻمیاد سمڄھیا ویسی۔ انہاں آکھیا جو ݙوطرفہ سائنس و ٹیکنالوجی تعاون چین پاکستان اقتصادی راہداری فریم ورک دے تحت رلایا ڳعے جیڑھا یقیناً سی پیک دی اعلیٰ معیار اتے پائیدار ترقی کوں تکرا کریسی۔ چین دی ناظم الامور پانگ چنکسو مشترکہ کوششاں تے ݙوہاں پاسو دے سائنسداناں دا شکریہ ادا کریندے وزارت سائنس و ٹیکنالوجی، کامسٹیک اتے پاکستان سائنس فاؤنڈیشن دے عہدیداراں سودھا کامسٹیک دے رکن ملکآں دے سفیراں اتے نمائنداں کوں اے خصوصی موقع ݙیکھݨ آوݨ تے شکریہ ادا کیتے۔ ناظم الامور آکھیا جو 3 مہینے پہلے بیجنگ اچ وزیر اعظم محمد شباز شریف نال ملݨ ویلھے چینی صدر شی جن پنگ آکھیا ہا جو چین اپݨی ترقیاتی حکمت عملیاں اتے پاکستان وچال ہم آہنگی ٻئی ودھیسی، ایں ݙوطرفہ اتفاق رائے کوں عملی شکل ݙیوݨ دی اے وݙی مثال اے، ݙوہین ملک نویں دور اچ مشترکہ مستقبل نال ہک تکڑی چین پاکستان کمیونٹی اپناوݨ کیتے پرعزم ہین۔

مضمون کا ماخذ : بہت کچھ

متعلقہ مضامین