پاکستان دی سالمیت اتے خود مختاری تے حملہ کہیں صورت برداشت کائنی ، ترجمان قانونی امور بیرسٹر عقیل ملک ،رہنماء مسلم لیگ (ن) شائستہ پرویز ملک

اسلام آباد۔29جون(اے پی پی) پاکستان دی سالمیت اتے خود مختاری تے حملہ کہیں صورت برداشت کائنی ، ملک دا معاشی استحکام ساݙی ترجیح اے ، آؤ رل تے ملک دی چنڳائی سانڳے کم کروں ۔ ھک سیاسی جماعت پاکستان دی بقا اتے سالمیت تے مسلسل سیاست کریندی پئی اے۔ اے ڳالھ ترجمان قانونی امور بیرسٹر عقیل ملک تے رہنماء مسلم لیگ (ن) شائستہ پرویز ملک ھک سانجھی مشترکہ پریس کانفرنس اچ آکھی اے ۔ ترجمان قانونی امور بیرسٹر عقیل ملک آکھیے گزریل ݙینھ پارلیمان توں کثرت نال منظور کیتی ونڄݨ آلی قرارداد دی ھک سیاسی جماعت ودھ چڑھ تے مخالفت کیتی ،اڄ دی ڳالھ ایں حوالے نال اے امریکا دے ایوان نمائندگان ھک قرار داد 901پاس کیتی جیڑھی پاکستان دے اندرلے معاملات اچ مداخلت ہئی، جیں دے ولدے اچ گزریل ݙینھ پارلیمنٹ ھک قرار داد پاس کیتی ۔ ھک پاکستانی بھاویں کتھائیں وی ہووے ھک محب وطن شہری ہووݨ پاروں اوندا فرض اے جو سارے ہلالی پرچم دا تحفظ اتے پاکستانی ہووݨ دا ثبوت ݙیوے کوئی وی پاکستانی بھاویں جتھاں ہووے، پاکستان دی ساکھ ، خودداری تے ملکی آزادی تے کݙاہیں آنچ نہ آوݨ ݙیسی ۔ انہاں آکھیے ایں سانڳے پارلیمنٹ اچ ساݙی رکن شائستہ پرویز ملک قرار داد پیش کیتی ، جیڑھی کثرت نال منظور تھئی اے حکومت اینکوں منظور کرائے ۔ انہاں افسوس کیتے جو ھک مخصوص سیاسی جماعت غلط بیانیہ پیش کرتے پاکستان عوام دیاں اکھیں اچ مٹی پائی کھڑی اے۔ انہاں آکھیے اے جماعت قوم کوں ݙسیندی رہی ”اساں کوئی غلام ہیسے” ”ایبسولیوٹلی ناٹ ” دے نعرے لاتے تے اکھیندی رہی اے امپورٹڈ حکومت اے ، امپورٹڈ حکومت نا منظور۔ انہاں آکھیے اوندے ولدے اچ پارلیمان پارلیمان اپݨا واضح موقف اتے آواز چاتی تے سنھیا ݙتے پاکستان دے اندرلے معاملات اچ کوئی مداخلت قبول کائنی۔ انہاں آکھیے وزیر خارجہ اسحاق ڈار واضح طور تے آکھیے امریکا اچ پاس تھیوݨ آلی قرار داد دے خلاف اساں ھک قرار داد گھن آسوں۔ پاکستان دا موقف قوم دے سامݨے رکھیسوں ۔انہاں تاسف دا اظہار کیتے میݙی سمجھ توں ٻاہر اے اساں بحثیت پاکستانی پوری قوم محب وطن ہیسے ، لیکن ھک سیاسی جماعت اتے ایندے لوک ایں ڳالھ تے تُل ڳئن انہاں دی پوری کوشش اے ملک دشمنی دے عناصر اچ رلن ، ملک دے خلاف ڳالھیں کرن ، پراپیگنڈا کرن ، ملک دے خلاف ڈیجیٹل دہشتگردی کرن اے کتھوں دا انصاف اے ؟ اے کتھان دی پاکستانیت اے؟ ۔ انہاں کوں اے قدم چاݨ توں پہلے شرم کنوں ٻڈ مرݨا چاہیدے ۔ اتھاں رہنما مسلم لیگ (ن) شائستہ پرویز ملک قومی اسمبلی اچ پیش کیتی ونڄݨ آلی قرار داد دے حوالے نال آکھیے خود مختاری اتے سالمیت دا تحفظ ہر ملک دی ذمہ واری اے ، کل جیڑھا کجھ تھئے ایں تے افسوس اے جے اڄ پاکستان دی خود مختاری تے سالمیت تے حملہ تھئے تاں اے کل وی تھی سڳدے اینکوں روکݨ ایں سانڳے لازمی اے جو اساں کہیں وی ملک نال خراب تعلقات نی چاہندے ۔ امریکا ساݙا سانجھے دار اے تے اساں چاہندون ساݙی سانجھے داری چنڳی تے مثبت ہووے ۔ شائستہ پرویز ملک آکھیے میں کل وی ایہا ڳالھ کیتی ہر چھوٹے وݙے ملک دے آئین اچ اے ڳالھ موجود اے جو کوئی ݙوجھا ملک ایندی خود مختاری اچ ڄنگھ نہ اڑیسی ایندے اچ کیا غلط اے ؟ انہاں آکھیے اساں ھک متفقہ قرار داد کیوں نی گھن آسڳیے ؟ انہاں آکھیے اتھاں فرمز ہائر کرتے ریاست مخالف کم تھیندا پئے ۔ شائشتہ ملک آکھیے میݙا ایہو سنھیا اے خدا دا واستہ ایوے ملک کوں اڳوں ودھݨ ݙیو اے ملک ونڈ دا متحمل نی تھی سڳدا ملک ترقی کرݨ چاہندے اساں جیڑھے معاشی دلدل اچ پتھے پیوں اساکوں ساریں دی سپورٹ چاہیدی اے۔

مضمون کا ماخذ : جیتنے والی لاٹری

متعلقہ مضامین