اسلام آباد۔13فروری (اے پی پی) صدر مملکت ڈاکٹر عارف علوی سوئٹزر لینڈ دے صدر کوں قائدِاعظم دے بھرا متعلق دستاویزات تحفے اچ ݙیوݨ سانڳے خط بھیڄ ݙتے جیں اچ انہاں سوئٹزر لینڈ دے صدر کوں خط اچ احمد علی جناح دی زندگی بارے دستاویزات دی نقل گھنݨ اچ تعاون دی درخواست کیتی اے ۔ایوان صدر دے پریس ونگ موجب صدرمملکت اپݨے خط اچ آکھیے جو احمد علی جناح دی زندگی دی تفصیلات ، تصاویراتے تاریخ دا مجموعہ زیورخ سٹی آرکائیوز دی ملکیت وچ اے ،قائداعظم محمد علی جناح دی تاریخی حیثیت اتے اہمیت دے پیش نظر دستاویزات تئیں رسائی پاکستانی عوام سانڳے قومی اہمیت دی حامل اے۔ خط اچ انہاں آکھیے جو خاتون اول ثمینہ علوی جنوری 2024 ء اچ زیورخ آرکائیوز دا دورہ کیتا ،خاتون اول دستاویزات پڑھݨ دے بعد معاملے اچ ذاتی دلچسپی ڳھدی۔سوئٹزرلینڈ توں درخواست اے جو دستاویز ات دا مجموعہ نیشنل آرکائیوز آف پاکستان کوں بطور تحفہ ݙے ݙتا ونڄے۔