پاکستان تے چین دا عوام وچال رابطے ودھاوݨ تے پارلیمانی تبادلیں دے تسلسل تےاتفاق

Deputy Prime Minister and Foreign Minister Senator Mohammad Ishaq Dar and Minister of the International Department of the Central Committee of the Communist Party of China(IDCPC), Mr. Liu Jianchao delivering media statements in Islamabad on 21 June 2024.

اسلام آباد۔21جون(اے پی پی):پاکستان اتے چین ݙوہیں ملکاں دے عوام وچال رابطے ودھاوݨ تے پکی یاری دی وراثت کوں آندیاں نسلاں تئیں منتقل کرݨ سانڳے پارلیمانی تبادلیں دے تسلسل تے اتفاق کیتے۔ سی پیک سیاسی جماعتاں دے مشترکہ مشاورتی میکانزم(جے سی ایم) دے تریجھے اجلاس دے بعد نائب وزیر اعظم تے وزیر خارجہ اسحاق ڈار اتے کمیونسٹ پارٹی آف چائنا (آئی ڈی سی پی سی) دے بین الاقوامی شعبے دے وزیر اتے کمیونسٹ پارٹی دی سینٹرل کمیٹی دے رکن لیو جیان چائو میڈیا کوں ݙسائے جو اجلاس ݙوطرفہ تعلقات دی اہمیت تے سیاسی اتفاق رائے دا بھرپور مظاہرہ کیتے۔ نائب وزیر اعظم تے وزیر خارجہ اسحاق ڈار جنہاں چین دے وزیر لیو جیان چائو نال مشترکہ طور تے جے سی ایم اجلاس دی صدارت کیتی، آکھیے اے پہلا موقع تے جو اسلام آباد جے سی ایم اجلاس دی میزبانی کیتی اے اتے وزیر اعظم شہباز شریف دے اڄوکے دورہ چین دے وختی بعد ایندی اہمیت کئی گنا ودھ ڳئی اے انہاں آکھیے اجلاس اچ پاکستان دیاں ساریاں وݙیاں سیاسی جماعتاں کوں سݙیا ڳیا ہئی تے سینئر رہنماواں دی موجودگی پاک چین اقتصادی راہداری اتے علاقائی امن و ترقی سانڳے پکی یاری دی اہمیت تے اتفاق رائے دا مظہر اے۔ انہاں آکھیے سیاسی جماعتاں سی پیک منصوبیں تے آپݨے عزم دا اعادہ کیتے تے سی پیک دے ݙوجھے مرحلے اچ ایندی اپ گریڈیشن سانڳٖ کوششاں جاری رکھݨ تے اتفاق کیتے۔ نائب وزیراعظم آکھیے اجلاس اچ شریک رہنماواں پاک چین تعلقات کوں تکڑا بݨاوݨ سانڳے سیاسی جماعتاں دے کردار دا اعادہ کیتے۔ انہاں آکھیے آئی ڈی سی پی سی مزید بین الپارلیمانی ڳالھ مہاڑ سانڳے 300 پاکستانی پارلیمنٹیرینز کوں چین سݙیسی ۔ اسحاق ڈار آکھیے جے سی ایم پاک چین تعلقات دے نال سی پیک اچ وی نویں روح پھوک ݙتی اے ۔ انہاں ایں امید دا اظہار کیتے جو ݙوہیں رہنماواں تے عوام دے تصور موجب ݙو پاسے دوستی تکڑی تھیسی ۔چینی وزیر لیو جیان چائو آکھیے چین اتے پاکستان سی پیک دی اہمیت اتے عوام سانڳے ایندے فیدے تے متفق ہن انہاں آکھیے عالمی چیلنجز دے پس منظر اچ چین اتے پاکستان وچال شراکت داری انتہائی اہمیت رکھیندی اے انہاں امید دا اظہار کیتے جو سیاسی جماعتاں ݙوہیں ملکاں وچال گھاٹے تعاون سانڳے کوششاں جاری رکھیسن ۔

مضمون کا ماخذ : آن لائن لاٹری پاکستان

متعلقہ مضامین