افغانستان اچ تکڑی اتے جامع حکومت خطے دے فیدے اچ اے، پاکستان اچ کئی سال اقتدار دی چس چاوݨ آلے اڄ مفرور ہین، وزیر اطلاعات چوہدری فواد حسین دا لیڈرز ان اسلام آباد بزنس کانفرنس نال خطاب

اسلام آباد۔22ستمبر(اے پی پی)وفاقی وزیر اطلاعات و نشریات چوہدری فواد حسین آکھیے جو افغانستان اچ مستحکم اتے جامع حکومت خطے دے مفاد اچ اے، پاکستان دے خلاف ہر دور اچ سازشاں تھین بھل پاکستان ہر واری نویں طاقت نال ابھریے، قیادت کیتے ہمت، حوصلہ اتے قسمت ہووݨ ضروری اے، پاکستان ہمیشہ بھارت نال چنڳے تعلقات دا آکھیے بھل بھارتی قیادت پاکستان نال چنڳے تعلقات اچ رکاوٹ اے۔ او لیڈرز ان اسلام آباد بزنس کانفرنس نال خطاب کریندے پئے ہن۔ انہاں آکھیا جو افغانستان اچ پاکستان دے خلاف بھارت ارباں ڈالر دی فنڈنگ کیتی بھل قسمت انہاں دے نال نئیں تھئی، پچھلے 20 سال اچ پوری کوشش کیتی گئی جو پاکستان کوں خطے دی قیادت توں ہٹایا ونڄے بھل کڄھ نئیں ٻݨیا، مشرقی اتے مغربی سرحد تے سازشاں دے ڄال وݨیے ڳین، اڄ ݙیکھو جو ہر سازش ناکام تھئی اے اتے پاکستان خطے اچ ودھ تکڑا ملک تھی وبھریے اتے اڄ خطے اچ فیصلیاں کیتے پاکستان دی اہمیت ٻݨی ہوئی اے اتے اے تاریخ دا ہک اہم موڑ اے، اساں وسط ایشیائی ریاستاں نال ہک نویں ڳانݙھے اچ جڑدے پئے ہیں اتے اے سافا کنیکٹیویٹی دا فریم ورک اے۔ کوشش اے جو افغانستان اچ سارے فریقاں دی متفقہ حکومت ٻݨے جو خطے اچ دیرپا استحکام آوے۔

مضمون کا ماخذ : عمومی کلیدی الفاظ

متعلقہ مضامین