وفاقی وزیر اطلاعات مریم اورنگزیب ، وزیراعظم دی ݙو ہفتے دی کارکردگی دا جائزہ پیش کر ݙتے، عوام کوں سستی شہیں دی فراہمی شروع، وزیراعظم ݙو ہفتے اچ او کم کیتن جئیں دا عمران خان چار سال سوچ وی نی سڳیے، مریم اورنگزیب

اسلام آباد۔27اپریل (اے پی پی) وفاقی وزیر اطلاعات تے نشریات مریم اورنگزیب ، وزیراعظم شہباز شریف دی ݙو ہفتیاں دی کارکردگی دا جائزہ پیش کیتا، اٹا، کھنڈ، گھیو دی ستائی عوام کوں سستی شہیں ملݨ شروع تھی ڳئن، وزیراعظم شہباز شریف کھنڈ دے نرخ 85 روپے توں ڳھٹ کر تے ستر روپے، ݙاہ کلو اٹے دے تھیلے دا نرخ 550 روپے توں ڳھٹ کر تے چار سو روپے کر ݙتی ہئی۔ بدھ کوں آپݨے بیان اچ انہاں آکھیا جو عوام کوں سستی شہیں دی فراہمی شروع، وزیراعظم ݙو ہفتے اچ او کم کیتن جئیں دا عمران خان چار سال سوچ وی نی سڳیے۔ وزیراعظم ݙو ہفتیاں اچ بجلی دے بند 27 اچوں 20 پیداواری یونٹس کوں چلا ݙتے، بجلی دے کارخانے چلاوݨ کیتے تیل اتے گیس ݙیوݨ بارے ریکارڈ اقدامات کیتے ڳئن۔ چار سالیں توں بند اسلام آباد میٹرو منصوبہ چار ݙینھ اچ شروع کیتے۔ انہاں آکھیا جو نیو اسلام آباد ہوائی اڈے توں میٹرو کوں موٹروے اتے فیض آباد نال جوڑݨ، بھارہ کہو اتے روایت تئین ودھاوݨ دی فزیبلٹی دی تیاری شروع تھی ڳئی اے۔

مضمون کا ماخذ : raspadinha آن لائن مفت

متعلقہ مضامین