امداد دی رقم 28 ارب توں ودھا تے 70 ارب روپے کرݨ دا فیصلہ کیتے، ہر متاثرہ ٹٻر تئیں شفاف طریقے نال امداد پڄسی، وزیراعظم شہبازشریف

قمبر شہدادکوٹ ۔5ستمبر (اے پی پی) وزیراعظم محمدشہبازشریف آکھیا جو امداد دی رقم 28 ارب توں ودھا تے 70 ارب روپے کرݨ دا فیصلہ کیتے، ہر متاثرہ ٹٻر تئیں شفاف طریقے نال امداد پڄسی۔ چھل توں فصلاں تباہ تھین، لوک بے گھر تھین، عالمی برادری ولوں امداد دا شکریہ ادا کریندوں، اے ویلھا سیاست دا نی چھل متاثرین کیتے رل تے کم کرݨا پوسی۔ سنوار کوں قمبر شہدادکوٹ اچ چھل متاثرین کیتے ٻݨائے ڳئے امدادی کیمپ دے دورے دے موقع تے ڳالھ مہاڑ کریندیں ہوئیں انہاں وزیراعظم آکھیا جو چھل متاثرہ علاقیاں دا فضائی جائزہ ڳھدے۔ ہر پاسے پاݨی ای پاݨی اے۔ چھل نال ٻہوں تباہی تھئی اے۔ سندھ حکومت متاثرین دی مدد کیتے ݙینھ رات کم کریندی پئی اے۔ وفاقی اتے صوبائی حکومتاں رَل تے متاثرین دی مدد کیتے کوئی وسلائی نہ کریسن۔ وزیراعظم آکھیا جو حکومت چھل متاثرہ ٹبراں کوں پنجوی ہزار روپے دی امداد دا سلسلہ بلوچستاں توں شروع کیتے۔ امداد دی رقم 28 ارب توں ودھا تے 70 ارب روپے کرݨ دا فیصلہ کیتے، ہر متاثرہ ٹٻر تئیں شفاف طریقے نال امداد پڄسی۔شفاف طریقے نال اے امدادی رقم بینظیر انکم سپورٹ پروگرام دے ذریعے تقسیم کیتی ویسی۔ وزیراعظم آکھیا جو کپاہ، چاول اتے کھجور سودھے مختلف فصلاں دا ٻہوں ودھ نقصان تھیے۔ سندھ چھل توں ٻہوں متاثر تھیے۔ یو اے ای ، قطر ، ترکی ، سعودی عرب ، چین ، امریکا ، ایران سودھے سارے دوست ملکاں دا شکریہ ادا کریندوں جنہاں پاکستان دی ایں ویلھے مدد کیتی اے۔ ترکی ولوں امدادی سامان دی چار ٹریناں روانہ کیتی ڳئن۔ پرنس کریم آغاخان دے صاحبزادے وی 10 ملین ڈالر دی امداد دا اعلان کیتے۔ چین وی امدادی رقم ودھا ݙتی اے۔ انہاں آکھیا جو متاثرہ علاقیاں اچ ریلیف اتے بحالی دے کماں اچ پاکستان فوج تعاون کریندی پئی اے۔ وزیراعظم چھل متاثرین اچ امدادی چیک تقسیم کیتے۔ وزیراعظم کوں قمبر شہدادکوٹ اچ چھل پاروں تھیوݨ آلے نقصان اتے ریلیف تے بحالی دے کماں بارے بریفنگ ݙتی ڳئی۔

مضمون کا ماخذ : como jogar dupla sena

متعلقہ مضامین