ݙوجھیں تے انگلیاں چاوݨ توں پہلے بھارت خود دہشت گردی، تخریب کاری اتے پاکستان دے خلاف جاسوسی اچ ملوث تھیوݨ دا سلسلہ بند کرے، ترجمان دفتر خارجہ

اسلام آباد۔4جنوری(اے پی پی) پاکستان بھارتی وزیر خارجہ دی طرفوں لاتے ڳئے بے بنیاد اتے فضول الزامات کوں مسترد کریندے ہوئیں آکھیے جو ایں طرح دے بیانات پاکستان کوں بدنام کرݨ تے کلھا کرݨ اچ بھارت دی ناکامی تے ودھدی ہوئی مایوسی کوں ظاہر کریندن ۔ بھارتی وزیر خارجہ دی طرفوں پاکستان دے خلاف اڄوکے بیانات دے سلسلے اچ میڈیا دے سوالاں دا جواب ݙیندے ہوئیں ترجمان دفتر خارجہ آکھیے پاکستان بھارتی وزیر خارجہ دی طرفوں لاتے ڳئے بے بنیاد تے فضول الزاماں کوں مسترد کریندے ترجمان آکھیے پچھلے کئی سالاں توں ، بھارت مظلومیت دی فرضی داستان اتے پاکستان مخالف پروپیگنڈے دے ذریعے عالمی برادری کوں گمراہ کرݨ دی مذموم مہم اچ مصروف اے، اے سلسلہ ہݨ بند تھیوݨاں چاہیدے ۔ مسلسل پاکستان مخالف بیانیہ پاکستان دی سرزمین تے دہشت گردی کوں ہوا ݙیوݨ اچ بھارت دے ڈھٹائی نال ملوث تھیوݨ دی حقیقت کوں لکا نی سڳدا تے نہ ہی اے بھارت دے غیر قانونی زیر تسلط جموں و کشمیر اچ ریاستی سرپرستی اچ تھیوݨ آلی دہشت گردی تے پردہ پا سڳدے۔ترجمان آکھیے ݙوجھیں تے انگلیاں چاوݨ دی بجائے بھارت خود دہشت گردی، تخریب کاری اتے پاکستان دے خلاف جاسوسی اچ ملوث تھیوݨ دا سلسلہ بند کرے۔ صرف کجھ ہفتے پہلے ھک ڈوزیئر جاری کیتا ڳیا ہئی جیں اچ ناقابل تردید شواہد موجود ہن جیڑھے جو 2021 اچ لاہور دے ھک پرامن محلے اچ تھیوݨ آلے دہشت گردانہ حملے اچ بھارت دے ملوث تھیوݨ دی تصدیق کریندن ۔2007 دے سمجھوتہ ایکسپریس سانحہ اچ بھارتی سرزمین تے 40 توں ودھ پاکستانی شہریاں دی ہلاکت توں گھن تے 2016 اچ بھارتی بحریہ دے حاضر سروس کمانڈر کلبھوشن یادیو دی پاکستان دے اندر توں گرفتاری تئیں، دہشت گردی اتے تخریب کاری اچ بھارت دے ملوث ہووݨ دے ناقابل تردید ثبوت موجود ہن۔

مضمون کا ماخذ : prêmios lotofácil

متعلقہ مضامین