اسلام آباد۔18مئی(اے پی پی)وفاقی وزیر منصوبہ بندی، ترقی و اصلاحات و خصوصی اقدامات احسن اقبال آکھیے جو اے چیلنج اے جو کیویں پاکستان دے نوجواناں کوں امن دا سفیر ٻݨائوں، جیکر ساڈے نینگر سمڄھسن جو اساں نفرت، تعصب، حسد کوں معاشرے اچ ݙکݨے اتے اختلاف کوں مکالمے نال سلڄھاوݨے تاں اے نینگر ملک دی طاقت ٻݨ ویسن، سوشل میڈیا پاروں ہݨ جنگاں میدان دی بجائے ہائبرڈ سطح تے تھینداں پن۔ اے ڳالھ انہاں بین الاقوامی اسلامی یونیورسٹی دے ادارہ تحقیقات اسلامی ولوں امن سانڳے ݙو ݙیہاڑی بین الاقوامی اسلامی کانفرنس نال خطاب اچ آکھی۔ بین الااقوامی اسلامی یونیورسٹی دے صدری ڈاکٹر ھذال حمود العتیبی، ریکٹر اسلامی یونیورسٹی ڈاکٹر معصوم یاسین زئی اتے ایگزیکٹو ڈائریکٹر اقبال انٹرنیشنل انسٹیٹوٹ فار ریسرچ اینڈ ڈایئلاگ ڈاکٹر حسن الامین وی موجود ہن۔