اسلام آباد۔4اپریل(اے پی پی)پاکستان مسلم لیگ ن دے سینئر رہنما و وفاقی وزیر ریلوے خواجہ سعد رفیق آکھیے جو سیاسی بحران کرسی کیتے عمران خان دے لالچ اتے ٻکھ غیر منصفانہ عدالتی فیصلاں دا نتیجہ اے۔ اے ڳالھ انہاں اپݨے ٹویٹ اچ بعد اچ قومی اسمبلی اجلاس اچ الیندے آکھی۔ انہاں آکھیا جو عدالت کوں آئین ری رائٹ کرݨ دا کوئی اختیار کائنی، متنازعہ انتخابات ملکی سالمیت اتے اتحاد کیتے زھر ٻݨ سڳدن، اللہ کریم پاکستان دی حفاظت اتے ہماری رہنمائی کرے، 3 رکنی بنچ دے فیصلہ نال آئینی و سیاسی بحران ٻیا ودھدا ݙسدے۔ انہاں آکھیا جو سپریم کورٹ دے سینئر ترین ججز دی ڳالھ سݨی ڳئی اے نا احکامات، سیاسی جماعتاں دی سݨیے ونڄم دی درخواست وی مسترد کیتی ڳئی اے اتے فل کورٹ نئیں ٻلھائی ڳئی، سپریم کورٹ دی اندرونی تقسیم ٻہوں افسوسناک اے۔