وزیراعظم شہبا ز شریف دا سمیڈا بورڈ دے غیر فعال تھیوݨ کوڑیج ڳئے، ملکی معیشت کیتے ٻہوں اہم اداریاں دے بورڈز فوری ٻݨاوݨ دی ہدایت

اسلام آباد۔23اگست (اے پی پی) وزیر اعظم محمد شہباز شریف آکھیاجو چھوٹے اتے وچلے درجے دے کاروبار ملکی معیشت اچ ریڑھ دی ہڈی دی حیثیت رکھیندن۔ سمیڈا بورڈ سودھے ایجھے سارے ادارے جیڑھے جو ملکی معیشت کیتے ٻہوں اہم ہن انہاں دے بورڈز دی تشکیل فوری کیتیی وںجے۔ جمعے کوں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف دی صدارت اچ سمال اینڈ میڈیم انٹرپرائزز ڈویلپمنٹ اتھارٹی (سمیڈا) بارے اجلاس تھیا۔ وزیراعظم آکھیا جو چھوٹے اتے وچلے درجے دے کاروبار ملکی معیشت اچ ریڑھ دی ہڈی دی حیثیت رکھیندن۔ وزیراعظم شہبا ز شریف دا سمیڈا بورڈ دے غیر فعال تھیوݨ کوڑیج ڳئے۔وزیراعظم ملکی معیشت کیتے ٻہوں اہم اداریاں دے بورڈز فوری ٻݨاوݨ دی ہدایت کیتی۔ وزیراعظم سمیڈا دے چیف ایگزیکٹو آفیسر دی فوری تعیناتی کیتے ضروری اقدامات دی ہدایت کیتی۔ وزیراعظم سمیڈا بارے سٹیئرنگ کمیٹی ٻݨاوݨ دی ہدایت کیتی۔ سٹیئرنگ کمیٹی دی صدارت وزیراعظم خود کریسن۔ وزیراعظم ہدایت کیتی جو سٹیئرنگ کمیٹی اچ نجی شعبے توں متعلقہ لوکاں کوں وی شامل کیتا ونڄے۔ وزیراعظم صنعتاں اچ سب۔ کنٹریکٹنگ کوں فروغ ݙیوݨ دی ہدایت کریندیں ہوئیں آکھیا جو پاکستانی صنعتاں کوں گلوبل سپلائی چین دا حصہ ٻݨاوݨ بارے کم کرݨ دی لوڑھ اے۔ وزیراعظم کوں سمیڈا دے معاملیاں تے بریفنگ اچ ݙسیا ڳئیا جو پہلی واری سمیڈا کیتے ڈویلپمنٹ فنڈ ٻݨایا ڳئے۔ بریفنگ اچ ݙسیا ڳئیا جو چھی سال کیتے 30 بلین روپے سمیڈا ڈویلپمنٹ فنڈ رکھیا ڳئے جئیں اچوں سال 25۔2024 کیتے 5 بلین روپے ݙتے ڳئن۔ پاکستان اچ ایں ویلھے 5.2 ملین چھوٹے اتے وچلے درجے دے کاروبار موجود ہن جئیں دا ملک دی جی ڈی پی اچ حصہ چالھی فیصد اے۔ ملک دی 31 فیصد برآمدات ایم ایس ایز تے ہن۔ بریفنگ اچ ݙسیا ڳئیا جو نان ایگریکلچر ملازمتاں دے علاوہ 72 فیصد ملازمتاں ایس ایم ای سیکٹر ݙیندا پئے۔ ایس ایم ای سیکٹر کیتے ہݨ تئیں 491 بلین روپے بینک کریڈٹ دی مد اچ ݙتے ڳئن جڈانوج ایم ایم ای سیکٹر کیتے بینک کریڈٹ کوں 800 بلین روپے تئیں ڳھن ونجݨ دی لوڑھ اے۔ اجلاس اچ نائب وزیراعظم و وزیر خارجہ اسحاق ڈار ، وفاقی وزیر اقتصادی امور احد خان چیمہ ، وفاقی وزیر صنعت تے پیداوار رانا تنویر حسین، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسرشریک تھیے۔

مضمون کا ماخذ : پنجاب لاٹری

متعلقہ مضامین