صدر مملکت دا وفاقی ٹیکس محتسب دفتر دا دورہ، وفاقی ٹیکس محتسب دی ٹیکس شکایات دے ازالے، متاثرین کوں ریلیف بارے بریفنگ

APP39-100124 ISLAMABAD: January 10 - President Dr Arif Alvi being briefed about the Federal Tax Ombudsman (FTO)'s performance, outreach and initiatives during his visit to FTO Office. APP/MTF/TZD/ZID

اسلام آباد۔10جنوری(اے پی پی)وفاقی ٹیکس محتسب (ایف ٹی او) سال 2023 اچ ٹیکس اتے کسٹم حکام دی بدانتظامی دے خلاف 8128 شکایات دا ازالہ کیتے ڄݙاں جو 2022 اچ اے تعداد 6106 شکایات ہن، ایف ٹی او 2022 اچ 7 ارب روپے دے مقابلے اچ 2023 اچ ٹیکس دہندگان کوں 17.74 بلین روپے دا ریلیف ݙتے۔ اے ڳالھ صدر مملکت ڈاکٹر عارف علوی کوں بریفنگ اچ ݙسائی جنہاں اسلام آباد اچ ایف ٹی او آفس دا دورہ کیتے۔ وفاقی ٹیکس محتسب (ایف ٹی او) ڈاکٹر آصف محمود جاہ، ایف ٹی او دے مشیران، علاقائی سربراہان اتے ایف ٹی او دے سینئر حکام ملاقات کیتی۔ وفاقی ٹیکس محتسب ڈاکٹر آصف محمود جاہ صدر مملکت کوں ایف ٹی او دی مجموعی کارکردگی، آئوٹ ریچ اتے ٹیکس دہندگان دی سہولت دے اقدامات دا ݙسایا اتے تفصیلی بریفنگ ݙتی۔ ایں موقع تے صدر مملکت آکھیا جو ایف ٹی او ٹیکس دہندگان تئیں اپݨی رسائی ودھاوݨ دے علاوہ شکایات دے اندراج اتے نمٹاوݨ کیتے کوششاں تیکھاں کرے، ایف ٹی او اتے ایف بی آر وچال فیصلاں تے ویلھے سر عملدرآمد اتے ٹیکس نظام اچ بہتری ڳھن آئی ونڄے کیوں جو پاکستان اچ ٹیکس و ریونیو جنریشن ودھاوݨ کیتے بہتر ٹیکس نظام ضروری اے جو ساݙی معیشت تکڑی تھیوے۔

مضمون کا ماخذ : فائر جوکر

متعلقہ مضامین