اپوزیشن دی سیاست دی گندگی کھل تے سامݨے آ گئی اے،وفاقی وزیر توانائی حماد اظہر دی وفاقی وزیراں اسد عمر اتے چوہدری فواد حسین نال پریس کانفرنس

اسلام آباد۔17مارچ(اے پی پی)وفاقی وزیر توانائی حماد اظہر آکھیے جو اپوزیشن دی سیاست دی گندگی کھل تے سامݨے آ گئی اے، سندھ ہائوس لکݨ آلے ضمیر دی کئو تے نئیں ”روکڑے” دی تݙ تے ڳین، ھکومت چاہوے تاں او وی ارکان مل ڳھن سڳدی اے ٻھل اساں اینڄھاں کوئی غیر قانونی کم نہ کریسوں، میچ دلچسپ مرحلہ اچ اے اتے کپتان دی اننگز شروع تھیوݨ آلی اے، جیڑھے ارکان لوٹے ٻݨݨ آلے ہین او اپݨیے حلقیاں اچ منہ ݙکھاوݨ جوڳے وی نہ رہسن۔ او اسلام آباد اچ وفاقی وزیر منصوبہ بندی و ترقی اسد عمر اتے وفاقی وزیر اطلاعات و نشریات چوہدری فواد حسین نال پریس کانفرنس کریندے پئے ہن۔ انہاں آکھیا جو ٹی وی سکریناں ضمیر فروشاں دے چہرے بے نقاب کر ݙتن، میڈیا انہاں دے حلقے اچ ونڄ پچھے جو کیا او اینڄھے ٻے ضمیراں کوں سپورٹ کریندن یا عمران خان دے نال ہین؟ اے لوک ہݨ اپݨے حلقے اچ منہ پاوݨ ڄوڳے نا رہسن۔ حماد اظہر آکھیے جو اساں 27 مارچ دے جلسہ اتے عدم اعتماد کوں ناکام ٻݨاوݨ دی تیاری کریندے پئے ہیں، ہک پاسو عوام اپݨا فیصلہ ݙیسن اتے ٻئے پاسو حکومت، اپوزیشن دی عدم اعتماد دی تحریک کوں ناکام ٻݨیسی، اساں سیاست دے ایں گند دے خلاف ہی جدوجہد کریندے پئے ہاسے ڄیڑھی اڄ بے نقاب تھی ڳئی اے، حکومت ہݨ وی ٻئی تکڑی تھی تے عوام دی حمایت نال نکلسی، 27 مارچ دا جلسہ ملکی تاریخ وٹا ݙیسی، اساں عوام کیتے سیاست کریندے ہیں، اقتدار کیتے سودے بازی نہ کریسوں۔

مضمون کا ماخذ : سائٹس de loteria confiáveis

متعلقہ مضامین