مسئلہ کشمیر حل کیتے بغیر جنوبی ایشیا اچ امن ممکن نئیں، وزیر خارجہ بلاول بھٹو زرداری دا او آئی سی دے جموں و کشمیر رابطہ گروپ دے وزارتی اجلاس نال خطاب

نیویارک۔21ستمبر(اے پی پی)وزیر خارجہ بلاول بھٹو زرداری آکھیے جو جموں و کشمیر دا تنازعہ انصاف اتے بین الاقوامی قوانین دی بنیاد تے پر امن طریقے نال حل کیتے بغیر جنوبی ایشیا اچ امن نئیں تھی سڳدا، پاکستان جموں و کشمیر مسئلہ دے حل کیتے بھارت نال ولا الوݨ کوں تیار اے ٻھل ایندے کیتے سازگار ماحول ݙیوݨ دی ذمہ داری ٻھارت دی اے، او آئی سی رابطہ گروپ دا مقبوضہ جموں و کشمیر دی وڳڑدی صورتحال تے بین الاقوامی توجہ ݙیواوݨ اچ اہم کردار اے، او آئی سی مسئلہ کشمیر کوں اقوام متحدہ دے متعلقہ فورمز تے چاوݨ کیتے وی اپݨا موچر کردار ادا کرے۔ اے ڳالھیں انہاں اقوام متحدہ دی جنرل اسمبلی دے 77ویں اجلاس ویلھے اسلامی تعاون تنظیم (او آئی سی) دے جموں و کشمیر بارے رابطہ گروپ دے وزارتی اجلاس نال خطاب اچ آکھی۔ انہاں آکھیا جو ایں مباحثہ نال ساکوں اڄوکی سیاسی و سکیورٹی صورتحال اتے ایں سانڳے بھارت دے غیر قانونی مقبوضہ جموں و کشمیر اچ انسانی و انسانی حقوق دی صورتحال تے پووݨ آلے اثرات دا جائزہ ڳھنݨ اتے ایندے چیلنجاں نال نمٹݨ اچ مدد ملسی۔ بلاول آکھیا جو 5 اگست 2019 دے ٻھارتی غیرقانونی اقدامات دا مقصد مقبوضہ جموں و کشمیر دی بین الاقوامی تے منی ڳئی “متنازعہ” حیثیت کوں وٹاوݨ اتے اقوام متحدہ دی سلامتی کونسل دی ڄآݨ ٻڄھ تے ورزی کریندے مقبوضہ علاقے دے آبادیاتی ڈھانچے کوں خراب کرݨ ہا، ایں سانڳے بھارت غیر قانونی اقدامات، انسانی حقوق دی سنگین اتے مسلسل خلاف ورزیاں ڄھیں ٻئے جرائم کیتن، مقبوضہ کشمیر اچ 9 لکھ بھارتی فوجی ہووݨ افسوسناک اے، عالمی برادری کشمریاں تے بھارتی مظالم دا نوٹس ڳھندے ہوئے کشمیریاں دے حق خود ارادیت سانڳے عالمی قرارداداں تے عمل یقینی ٻݨاوے۔

مضمون کا ماخذ : números dupla sena

متعلقہ مضامین