وزارت اطلاعات اتے سٹیٹ لائف انشورنس وچال صحافیاں، میڈیا ورکرز، فنکاراں اتے فلمی صنعت دے تکنیکی ماہرین کوں صحت کارڈ ݙیوݨ دے معاہدے تے دستخط تھی ڳئے، وزیراعظم شہباز شریف اتے وفاقی وزیر اطلاعات دی تقریب اچ خصوصی شرکت

اسلام آباد۔3اگست (اے پی پی) وزارت اطلاعات اتے سٹیٹ لائف انشورنش کارپوریشن وچال صحافیاں، میڈیا ورکرز، فنکاراں اتے فلمی صنعت دے تکنیکی ماہرین کوں صحت کارڈ ݙیوݨ دے معاہدے تے دستخط تھی ڳئے۔ مفاہمتی یادداشت تے دستخطاں دی تقریب خمیس کوں تھئی جئیں اچ وزیراعظم شہباز شریف اتے وفاقی وزیر اطلاعات مریم اورنگزیب خصوصی شریک تھیے۔ صحافیاں اتے میڈیا ورکرز دی ہیلتھ انشورنس کیتے مفاہمت دی یادداشت تے پرنسپل انفارمیشن آفیسر مبشر حسین اتے ایگزیکٹو ڈائریکٹر سٹیٹ لائف انشورنس کارپوریشن شاہد اقبال دستخط کیتے اتے فنکاراں اتے تکنیکی ماہرین دی ہیلتھ انشورنس دے معاہدے تے ڈائریکٹر جنرل الیکٹرانک میڈیا اینڈ پبلی کیشنز ثمینہ فرزین اتے ڈویژنل ڈائریکٹر سٹیٹ لائف انشورنس محمد اشعر دستخط کیتے۔ ایں موقع تے وزیراعظم شہباز شریف، وفاقی وزیر اطلاعات مریم اورنگزیب، وزیر قانون اعظم نذیر تارڑ، وزیراعظم دے کوآرڈینیٹر برائے معیشت تے توانائی بلال اظہر کیانی، سیکریٹری اطلاعات سہیل علی خان، چیئرمین سٹیٹ لائف شعیب جاوید وی موجود ہن۔ تقریب اچ وزارت اطلاعات تے نشریات اتے سٹیٹ لائف انشورنس دے اعلیٰ حکام سودھے ٻے مزمان شریک تھیے۔

مضمون کا ماخذ : گنہادورس دا میگا سینا

متعلقہ مضامین