معاشرے اچ تریمتیں دی ترقی سانگے رل مل تے کم کرݨ دا شعور ودھاوݨا ہوسی، کارٹونسٹ نگار نذر دا تریمتیں تے تشدد دے خلاف آگاہی مہم سانڳے تقریب نال خطاب

اسلام آباد۔30نومبر(اے پی پی۔ڈاکٹر سعدیہ کمال) گوگی دے کردار توں مشہور تھیوݨ آلی پاکستان دی پہلی تریمت کارٹونسٹ نگار نذر دا آکھݨ اے جو میں آپݨے مذاحیہ انداز اچ ٻالاں تے وݙیاں اچ آگاہی نشابر کریندی ہاں۔ اے ڳالھ انھاں اج وومین ویلفیئر، ڈویلپمنٹ ڈیپارٹمنٹ اے لائنز کریسنٹ کلب ولوں ہک تقریب اچ آکھیے۔ مشہور کارٹونسٹ تریمتیں تے تشدد دے خلاف 16 ݙینھ دی آگاہی مہم اچ ٻالڑیاں کوں شعور اتے آگاہی بارے آپݨے فن پاریاں نال نشابر کیتا ۔انھاں دا آکھݨ ہا جو معاشرے اچ ودھدیاں پریشانیاں تے مسئلیاں اچ ضروری تھی گئے جو اساں ایں دبائو توں نکلوں، ٻالڑیاں کوں حراساں کرݨ افسوسناک کم اے اتے ایں گلوبلائزیشن دے دور اچ اساݙا کم ودھ گئے جو شعور کوں اڳو تے کھنڈایا ونجے۔ انھاں شرکاء کوں آکھیا جو جو ٻالیں، چھوریں، نینگراں کوں انھاں دے حقوق بارے ݙسایا ونجے۔ انہاں آکھیا جو میں ٻالاں سانگے قاعدے لکھین جیڑھے انھاں کوں تعلیم تربیت ڈیون اچ ٻہوں اہم اہین اتے تریمتیں سانگے تشدد دے خلاف آگاہی مہم چلیندی پئی ہاں اتے اے چاہندی ہاں جو اساں مرداں دے ایں معاشرے اچ تریمت دی ترقی سانگے رل مل تے کم کروں۔

مضمون کا ماخذ : loterias da caixa

متعلقہ مضامین