اسلام آباد – 18 جنوري (اي پي پي) وزيراعظم عمران خان گڏيل قومن جي جنرل اسيمبلي جي صدر جو ڌيان والاريل ڪشمير ۾ انساني حقن جي وڏي پئماني تي خلاف ورزين طرف ڇڪرائيندي گڏيل قومن انساني حقن بابت هاءِ ڪمشنر جي رپورٽ سفارش ڪيل انهن خلاف ورزين جي جاچ جي لاءِ جلد ڪميشن آف انڪوائري جوڙڻ تي زور ڏنو آهي. هن اها ڳالهه گڏيل قومن جي جنرل اسيمبلي جي صدر ماريا فرنينڊا اسپنوزا سان ڳالهائيندي چئي جنهن وزيراعظم آفيس ۾ ساڻس ملاقات ڪئي.