اسلام آباد۔25فروری (اے پی پی) چیئرمین سینیٹ محمد صادق سنجرانی نال سپیکر قومی اسمبلی اسد قیصر پارلیمنٹ ہاؤس اچ جمعے کوں ملاقات کیتی اے۔ سینٹ سیکرٹریٹ دے مطابق ملاقات اچ ݙوہیں ایواناں اچ قانون سازی اتے بئے معاملیاں بارے تفصیلی ڳالھ مہاڑ کیتی ڳئی۔ چیئرمین سینیٹ آکھیا جو قومی اسمبلی اتے سینیٹ چنڳی روایات قائم کیتن ۔ چیئرمین سینیٹ محمد صادق سنجرانی آکھیا جو ݙوہیں ایواناں وچال قانون سازی اتے انتظامی معاملیاں بارے تعاون مثالی رہیے۔ ملاقات اچ ڈپٹی چیئرمین سینیٹ مرزا محمد آفریدی اتے ٻئے سینیٹرز وی موجود ہن۔