اسلام آباد۔30جنوری (اے پی پی) بینک دولت پاکستان سارے مالیتاں دے نویں کرنسی نوٹاں دی ڈیزائننگ تے کم شروع کر ݙتے جئیں دے بعد انہاں کوں جلدی جاری کیتا ویسی۔ پوری دنیا دے مرکزی بینکاں اچ اے روایت اے جو او ہر پندراں توں 20 سال بعد کرنسی نوٹاں دی نویں سیریز ڳھن آندن جئیں دا مقصد انہاں نوٹاں دی سالمیت کوں محفوظ کرݨ اتے انہاں دے ڈیزائن اتے سکیورٹی خصوصیات کوں تازہ ترین تکنیکی پیش رفت دے مطابق ٻݨاوݨ اے۔ سٹیٹ بینک توں جاری پریس ریلیز موجب نویں کرنسی نوٹاں دی سیریز دی ڈیزائننگ بارے ابتدائی کم اسٹیٹ بینک جدید اتے موضوعاتی ڈیزائن آئیڈیاز کیتا آرٹ دا ہک مقابلہ کرویندا پئے۔ مقامی فنکار، ڈیزائنر اتے آرٹ دے طلبہ 11 مارچ 2024ء تئیں آپݨے ڈیزائن سٹیٹ بینک کوں ٻھیج سڳدن۔ آرٹ دے مقابلے بارے مکمل معلومات ایں لنک https://www.sbp.org.pk/ArtCompetition/ArtCompetition-U.pdf تے ڳھدی ونڄ سڳدی اے۔ حتمی ڈیزائن منظوری کیتے وفاقی حکومت کوں پیش کیتے ویسن۔ نویں بینک نوٹ سیریز دے اجراء اچ ݙو توں ترائے سال لڳدن پر اسٹیٹ بینک ایں عمل کوں اگلے ݙو سالیں اچ پورا کرݨ دا ارادہ رکھدے۔