پاکستان دی ترقی سانڳے امن ناگزیر اے،مریم نواز شریف

لاہور۔21ستمبر(اے پی پی) وزیراعلیٰ پنجاب مریم نواز شریف آکھیے جو پاکستان دی تعمیر و ترقی سانڳے پائیدار امن ناگزیراے، امن وݙی نعمت اے ، بدامنی زوال گھن آندی اے ۔ اے ڳالھ انھاں امن دے جگ ݙیھاڑ تے آپݨے سنھیے اچ آکھی ۔ وزیر اعلیٰ مریم نواز آکھیے امن دی خاطر جان قربان کرݨ آلے شہدا کوں خراج عقیدت اتے امن سانڳے سرحداں دی حفاظت تے مامور افواج، پولیس اتے ٻئی سیکورٹی فورسز کوں سلام پیش کریندی ہاں ۔مریم نواز شریف آکھیے پاکستان دی تعمیر و ترقی سانڳے پائیدار امن ناگزیر اے، امن دے علمبرداراں کوں خراجِ تحسین پیش کریندوں جیرھے جھیڑے مکاوݨ سانڳے کوششاں کریندے پئن ،امن نال ہی خوشحالی دے پُھل کھڑدن تے خوشیاں ہرپاسے کھنڈدئن ۔ امن سانڳے معاشرے دے ہر بندے کوں آپݨا کردار نبھاوݨا چاہیدے جݙاں جو تشدد تے انتشار دا رستہ اپناوݨ آلے پاک سرزمین دے امن و استحکام دے دشمن ہن ،اختلاف رائے دی آڑ اچ امن کوں سبوتاژ کرݨ قابل مذمت اے۔مریم نواز شریف مزید آکھیے کشمیر،فلسطین سودھے دنیا اچ امن اساں ساریں دا خواب اے ،خدا کرے پاکستان اچ ہرپاسے امن تے خوشحالی ہووے۔

مضمون کا ماخذ : کراچی لاٹری

متعلقہ مضامین