پاکستان اچ میڈیا امریکا و برطانیہ توں وی ودھ آزاد اے،سنسر شپ نئیں نگرانی ضرور کریسوں،وزیراعظم عمران خان

APP52-23 WASHINGTON: July 23 - Prime Minister Imran Khan answering questing at US Institute of Peace in Washington on Tuesday. APP

اسلام آباد ۔ 23 جولائی (اے پی پی) امریکی تھنک ٹینک ”انسٹی ٹیوٹ آف پیس“ اچ سوالاں دا جواب ڈیندے ہوئے وزیراعظم اے الزام مسترد کر ڈتے جو پاکستان اچ میڈیا تے سنسر شپ اے۔ انہاںا ٓکھیے جو میں سمجھینداں جو پاکستان اچ میڈیاامریکا اتے برطانیہ توں وی ودھ آزاد اے بھل کڈاھیں کڈاھیں تاں اے بہوں منہ زور وی تھی ویندے۔ انہاںا ٓکھیے جو برطانیہ اچ وی اینجھاں خبراں شائع نئیں تھیندیاں جیہڑا پاکستانی میڈیا ڈیندے،امریکا اچ وی میڈیا کوں اتنی چھوت کائنی، ٹرمپ اتے میڈیا دا نفرت محبت دا رشتہ اے بھل او ٹرمپ تے ذاتی حملے نئیں کریندے،میں او کلہا بندہ ہاں جیکوں میدیا ودھ تنقید دا نشانہ بنڑائے حتیٰ کہ ذاتی حملے کیتن،ملک پہلے ہی مسلیاں دا شکار اے بھل میڈیا مسلسل منفی خبراں چلیندے،ایویں تاں کتھائیں وی نئیں تھیندا۔وزیراعظم آکھیے جو ریاست کوں میڈیا کوں کنٹرول نئیں کرنڑا چاہیدا بھل ہک اینجھی ریگولیٹری اتھارٹی ہووے جیہڑی میڈیا دی نگرانی کرے، میڈیا کوں وی جوابدہ ہوونڑا چاہیدے جیکر پاکستان اچ میڈیا مالکان توں ٹیکسز داپچھیا ونجے تاں او ایکوں وی میڈیا آزادی تے حملہ آہدن،صحافت دی آزادی میڈیا مالکان دی من مانی کوں قرار نئیں ڈتا ونج سگدا۔

مضمون کا ماخذ : números dupla sena

متعلقہ مضامین