قوماں دی ترقی اچ نینگر نسل دا اہم کردار اے ، ہنرمندی دی تعلیم اڄ دے دور اچ ترقی تے خوشحالی دی کنجی اے،وزیراعظم شہبازشریف دا نیشنل یونیورسٹی آف ٹیکنالوجی اچ تقریب توں خطاب

اسلام آباد۔14جولائی(اے پی پی):وزیراعظم محمد شہبازشریف آکھیے قوماں دی ترقی اچ نینگر نسل دا اہم کردار اے ، ہنر مندی دی تعلیم دور حاضر اچ ترقی تے خوشحالی دی کنجی اے ،تعلیم ،روزگاراتے صحت صرف امیر طبقے دا حق نی بلکہ ساریں دا حق اے ،75 سال دیاں عادتاں بدلݨ سوکھا کم کائنی تاں جو پکے ارادے نال رل تے تعلیم کوں عام کریسوں ، فنی ترقی ساݙی پہلی ترجیح ہووݨی چاہیدی اے ، فنی تعلیم نال جڑیے نینگراں کوں ٻاہرلے ملک بھیڄݨ نال تجارتی خسارہ گھٹ تھیسی ، تعلیم دے ودھارے کیتے سارے وسائل استعمال اچ گھن آئے ویسن ،او نیشنل یونیورسٹی آف ٹیکنالوجی دے مرکزی کیمپس دا سنگ بنیاد رکھݨ دی تقریب توں خطاب کریندے پئے ہن ، وفاقی وزیر اطلاعات و نشریات مریم اورنگزیب، وفاقی وزیر منصوبہ بندی، ترقی و اصلاحات احسن اقبال ، وفاقی وزیر تعلیم و پیشہ وارانہ تربیت رانا تنویر حسین، وزیراعظم دی معاون خصوصی امور نوجوانان شزہ فاطمہ اتے نیشنل یونیورسٹی آف ٹیکنالوجی دے ریکٹر لیفٹیننٹ جنرل معظم ایاز توں اںڄ طالبیں وݙی تعداد اچ شرکت کیتی ۔تقریب توں خطاب اچ وزیراعظم آکھیے نیشنل یونیورسٹی آف ٹیکنالوجی دی افتتاحی تقریب اچ شرکت میں کیتے فخر دی ڳالھ اے ۔ تعلیم خود ھک آپݨے پیرں تے کھڑا تھیوݨ دا ہنر اے جیڑھا اساکوں اللہ ݙتے لیکن قوماں کوں ترقی دی بھڄ دھرک اچ اڳوں گھن ونڄݨ کیتے فنی تعلیم تکھی رفتار نال کمیابی دی ضمانت اے ۔ یونیورسٹی اچ آتے متاثر تھیاں ۔ انتظامیہ ایں کوں تکھے اڳوں گھن تے ویسی تے ہزاراں ٻالاں کوں ہنر مندی دی تعلیم ݙے کراہیں نہ صرف پاکستان بلکہ پورے دنیا اچ پاکستان دا ناں روشن کریسن اتے اپݨے ٹٻر کیتے باوقار روزگار دا ذریعہ بݨسن ۔ انہاں آکھیے نواز شریف ایں یونیورسٹی دا منصوبہ بݨایا ، ایںدے تے انہاں کوں مبارخ ݙیندوں ۔ اے پاکستان کیتے ھک ٻہوں وݙا ادارہ بݨیے ۔

مضمون کا ماخذ : میگا سینا اکمولاڈا

متعلقہ مضامین