جنگ ڪنهن جي مفاد ۾ ناهي، وچ اوڀر جو تڪرار سفارتڪاري سان حل ڪيو وڃي: جي سيون ملڪ

روم – 03 آڪٽوبر (اي پي پي) جي سيون ملڪن جي اڳواڻن وچ اوڀر جي امن امان جي صورتحال تي ڳڻتي جو اظهار ڪندي تڪرار جي سفارتي حل لاءِ زور ڀريو آهي. پرڏيهي خابرو اداري مطابق اسرائيل تي ايران جي حملي کان پوءِ سڏايل جي سيون ملڪن جي اڳواڻن جو اجلاس اٽلي جي وزيراعظم جيوجيا ميلوني جي ميزباني ۾ ٿيو. گروپ سيون طرفان جاري بيان ۾ چيو ويو آهي ته مسئلي جو سفارتي حل اڃان به ممڪن آهي ۽ تڪرار ڪنهن جي به مفاد ۾ نه هوندو. گروپ – 7 جي خيال ۾ ان سان علائقي ۾ جنگي خطرو ۽ خوف وڌي ويو آهي. اٽلي طرفان جاري بيان مطابق سمورن اڳواڻن ايراني ميزائل حملي جي مذمت ڪئي آهي. اسرائيل تي هن وقت تائين جو اهو ايران جو سڀ کان وڏو حملو هو. گروپ اڳواڻن جنگي خطرو گهٽائڻ لاءِ گڏجي ڪم ڪرڻ تي زور ڀريو آهي. گروپ -07 غزه جي سلسلي ۾ گڏيل قومن جي سلامتي ڪائونسل جي ٺهراءُ 2735 تحت مرحليوار جنگ بندي ۽ لبنان اسرائيل سرحدي امن لاءِ ٺهراءُ 1701 جنهن کي 2006ع ۾ منظور ڪيو ويو هو موجب ئي اڳتي وڌڻ ۽ عمل ۾ آڻڻ جو چيو آهي. ياد رهي ته گروپ جي سيون ملڪن ۾ آمريڪا، ڪئناڊا، برطانيا، فرانس، جرمني، جاپان ۽ اٽلي شامل آهن. گروپ سيون جي اجلاس جي صدارت هن وقت اٽلي وٽ آهي.

مضمون کا ماخذ : لاٹری جیتنے کے نمبر

متعلقہ مضامین