صدر مملکت ڈاکٹر عارف علوی دا ینگ ویمن لیڈر شپ کانفرنس نال خطاب

اسلام آباد ۔ 2 اپریل (اے پی پی) صدر مملکت ڈاکٹر عارف علوی منگل کوں ایوان صدر اچ ینگ ویمن لیڈر شپ کانفرنس نال خطاب کریندے ہوئیں آکھیا جوتعلیم اتے معاشی خود مختاری صحیح معنے اچ تریمتیں دی آزادی اتے ترقی دی ضامن ہن، تریمتیں کوں معاشرہ اچ جائز مقام اتے تحفظ ڈیونڑ قومی ذمہ داری ہے، تریمتیں دے فعال کردار بغیر نویں پاکستان دا خواب پورا نئیں تھی سگدا ۔ انہاں آکھیا جو مختلف شعبیں اچ تریمتیں کوں موقع ڈیونڑ سانگے حکومتاں کوں کردار ادا کرنڑ چاہیدے۔ صدر مملکت آکھیا وج معاشرہ اچ جائز مقام، ترقی، تحفظ اتے مواقع دے اعتبار نال تریمتیں دی حوصلہ افزائی تھیونڑ چاہیدی ہے، کیونجواوہ معاشرہ اچ قائدانہ کردار ادا کرسگن۔ انہاں آکھیا جو ایں حوالہ نال معاشرے اچ مثالاں وی موجود ہن۔ شرکاءایوان صدر اچ کانفرنس کروانڑ تے صدر مملکت دا شکریہ ادا کیتا۔ ایں موقع تے ایچ آر ڈی دی چیف ایگزیکٹو آفیسر روبیلا بنگش، آکسفیم دے کنٹری ڈائریکٹر محمد قزلباش اتے پاکستان ویمن کرکٹ ٹیم دی سابق کپتان ثناءمیر وی خطاب کیتا اتے تریمتیں دے حقوق اتے تریمتیں کوں معاشرہ اچ جائز مقام ڈیونڑ دی اہمیت کو ںاجاگر کریندے ہوئیں ایجھی آگاہی اتے اجتماعی کوششاں دی ضرورت تے زورڈتا۔

مضمون کا ماخذ : loteria instantânea

متعلقہ مضامین