حکومت آزادی صحافت تے یقین رکھدی اے،میڈیا تے کوئی سنسرشپ کائنی، وفاقی وزیر اطلاعات و نشریات سینیٹر شبلی فرازدا مختلف پریس کلبزکوں مالی امداد دے چیک ونڈنڑ دی تقریب نال خطاب

APP29-28 ISLAMABAD: June 28 Federal Minister for Information and Broadcasting, Shibli Faraz addresses at the cheque distribution ceremony among journalists and press clubs at PID. APP photo by Irshad Shaikh

اسلام آباد ۔ 28 جون (اے پی پی) وفاقی وزیر اطلاعات و نشریات سینیٹر شبلی فراز ااکھیے جو حکومت آزادی صحافت تے یقین رکھدی اے،میڈیا تے کوئی سنسرشپ کائنی،صحافی وی کورونا وباءدے خلاف جنگ اچ ہراول دستہ ہین،وزیراعظم دی خصوصی ہدایات تے پریس کلبز دی مالی معاونت کیتی ویندی پئی اے۔اے گالھ وفاقی وزیر اطلاعات و نشریات سینیٹر شبلی فرازاسلام آباد اچ ملک دے مختلف پریس کلبزکوں مالی امداد دے چیک ونڈنڑ دی تقریب نال خطاب اچ آکھی۔ایں موقع تے وفاقی سیکرٹری وزارت اطلاعات و نشریات اکبر حسین درانی، نیشنل پریس کلب اسلام آبادسودھا ملک دے پریس کلبز دے عہدیداران وی تقریب اچ شریک ہن۔وفاقی وزیر سینیٹر شبلی فرازآکھیا جو وزیراعظم عمران خان دی ہدایت تے پریس کلب اتے صحافی برادری دی مدد کیتی ویندی پئی اے تاں جو بیمار اتے کہیں اوکھ اچ پھسیے صحافیاں دی مالی مدد کیتی ونج سگے،کیوں جو صحافت بہون اوکھا کم اے اتے ڈیوٹی اچ سحافی کوں بہوں اوکھ ڈیکھنڑے پوندن،ہر چیلنج اچ میڈیا دا کردار اہم اے،بھل کورونا وباءاچ میڈیا بہوں بہترین کردارادا کیتے اتے عوام کوں ودھ آگاہی سودھا ویلھے تے درست معلومات ڈتن،ڈاکٹراں آلی کار صحافی وی کرونا دے خلاف جنگ اچ ہراول دستہ ہین جیندا جذبہ قابل تعریف اے،اگو تے پریس کلباں داہتھ ونڈیندے راہسوں،بجٹ اچ وی فنڈز رکھیے ویسن۔انہاں آکھیے جو جڈاں چیلنج ا ٓندن تاں قربانیاں ڈیونڑیاں پوندن،اے قربانیاں لیڈر توں شروع تھیونڑیاں چاہیدن،وزیراعظم عمران خان ثابت کیتے جو او بہترین لیڈرہین اتے قوم کوں ہر چیلنج توں کڈھ سگدن۔ وفاقی وزیر کراچی پریس کلب، سکھر پریس کلب، کوئٹہ پریس کلب، گوادر پریس کلب، لاہور پریس کلب، ملتان پریس کلب، سرگودھا پریس کلب، فیصل آباد پریس کلب، بہاولپور پریس کلب، پشاور پریس کلب، کوہاٹ پریس کلب، ایبٹ آباد پریس کلب، صوابی پریس کلب، ہنزہ پریس کلب، گلگت پریس کلب، حیدرآباد پریس کلب اتے نیشنل پریس کلب اسلام آباد دے عہدیداران کوں مالی معاونت، دوران ڈیوٹی شہید تھیونڑ آلے صحافیاںاتے کارکناں دے ورثاکوں وی چیک ونڈین۔

مضمون کا ماخذ : کمپیوٹر لاٹری انعامات

متعلقہ مضامین