وزیراعظم محمد نواز شریف مالدیپ دے ترائے ڈینھ دے سرکاری دورے تے روانہ

BERLIN, GERMANY - NOVEMBER 11: Pakistani Prime Minister Nawaz Sharif arrives at the Chancellery to meet with German Chancellor Angela Merkel on November 11, 2014 in Berlin, Germany. Sharif is on a two-day official visit to Germany. (Photo by Sean Gallup/Getty Images)

اسلام آباد ۔ 25 جولائی (اے پی پی) وزیراعظم محمد نواز شریف منگل کو ںمالدیپ دے ترائے ڈینھ دے سرکاری دورے تے روانہ تھی گے ہن او ( اج )26 جولائی کوں مالدیپ دے 52 ویں یوم آزادی دی تقریبات اچ مہمان خصوصی دی حیثیت نال شرکت سانگے صدر عبداﷲ یامین عبدالقیوم دی د عوت تے 25 توں 27 جولائی تئیں جمہوریہ مالدیپ دا سرکاری دورہ کریندے پے ہن ، بیگم کلثوم نواز، وزیر اعظم دے مشیر خارجہ امور سرتاج عزیز، سینیٹر پرویز رشید اتے اعلیٰ حکام وی انہاں دے نال ہن۔دورے دے دوران وزیراعظم محمد نواز شریف مالدیپ دے صدر دے نال باضابطہ مذاکرات وی کریسن ایں موقع تے مختلف شعبیں اچ تعاون سانگے کئی مفاہمت دیا یادداشتاں اتے معاہدیں تے دستخط وی کیتے ویسن۔ اتھاں اے امر قابل ذکر ہے جو پاکستان مالدیپ دے نال اپنڑے تعلقات کوں بہوں اہمیت ڈیندا ہے جیرھا جو باہمی احترام تے مشترکہ مفادات تے مبنی ہن ۔ مالدیپ دے نال سفارتی تعلقات 26 جولائی 1966ءکوں اتھے ہن جیرھا جو وقت گزرنڑ دے نال نال پکے تھیندے پے ہن ۔ڈوہیں ملکاں باہمی اہمیت دے امور تے علاقائی اتے بین الاقوامی فورماں تے ہک ڈوجھے دے نال نیڑے معاونت کریندے ہن وزیراعظم دے دورے نال سیاسی ، تجارتی، اقتصادی، دفاعی، سیاحتی، تعلیمی اتے عوامی سطح تے رابطے سمیت سارے شعبیں اچ ڈو پاسے تعلقات کوں مزید تقویت مل ویسی اے دورہ خطے دے ملکاں دے نال فعال تعلقات دی اساڈی پالیسی نال ہم آہنگ ہے ۔

مضمون کا ماخذ : آن لائن لاٹری پاکستان

متعلقہ مضامین