وزیر خارجہ شاہ محمود قریشی دی وزیر اطلاعات فواد چوہدری، مشیر تجارت تے سرمایہ کاری عبدالرزاق داود اتے چیئرمین سرمایہ کاری بورڈ ہارون شریف دے کٹھے پریس کانفرنس

اسلام آباد ۔ 21 مارچ (اے پی پی) وزیر خارجہ شاہ محمود قریشی آکھیے جودنیا کوں بھارت دے دوغلے رویئے دا نوٹس گھنڑ پوسی، بھارت نیوزی لینڈ واقعہ د ی مذمت تا کیتی لیکن مسلمان شہیداں اتے مسیتاں دا ذکر نی کیتا، سمجھوتہ ایکسپریس تے دہشت گرد حملے توں متعلق بھارتی عدالت دا فیصلہ بھارتی دوغلے معیار دی عکاسی کریندے، چین پاکستان دا پرانڑاں یار ہے اتے چٹان وانگوں اساڈے نال کھڑے، جاری سال چین دے نال ہک ارب ڈالر ودھ برآمدات متوقع ہن، چین دے نال ایف ٹی اے توں متعلق گالھ مہاڑ چھیکڑی مرحلے اچ ہے اتے آندے مہینے وزیر اعظم دے دورہ چین دے موقع تے دستخط متوقع ہن، امریکہ دے نال تعلقات بہتر تھیندے پن،ملائشیا دے وزیر اعظم مہاتیر محمد ترائے ڈینھاں دے دورہ دوران ڈوہائیںملکاں وچال چار مفاہمتی یادداشتاں تے دستخط تھیسن اتے یاری اتے تعلقات ودھسن ، استنبول اچ او آئی سی دے ہنگامی اجلاس اچ اسلاموفوبیا، شدت پسندی روکنڑ دے حوالے نال سانجھا لائحہ عمل طے کیتا ویسی، نیشنل ایکشن پلان تے قومی اتفاق رائے بنڑ گئے ،جیندے تے ساریاں سیاسی جماعتاں دے قائدین دے دستخط ہن۔ خمیس کوں وزارت خارجہ اچ وزیر وزیر اطلاعات فواد چوہدری، مشیر تجارت تے سرمایہ کاری عبدالرزاق داود اتے چیئرمین سرمایہ کاری بورڈ ہارون شریف دے کٹھے پریس کانفرنس کریندے ہوئیں وزیر خارجہ آکھیا جو سمجھوتہ ایکسپریس اچ شہید تھیونڑ آلے بیگناہواں دے چارے مجرماں کوں رہا کرنڑ تشویشناک ہے۔ہک سوال دے جواب اچ وزیر خارجہ آکھیا جو نیشنل ایکشن پلان سانحہ اے پی۔ایس دے بعد قومی اتفاق نال بنڑیا۔ 20 نکاتی نیشنل ایکشن پلان تے ساری سیاسی جماعتاں دے قائدین دے دستخط ہن۔پہلے مرحلے اچ فوجی ایکشن چنگا طریقے نال کیتے گئے۔ ڈوجھا مرحلے اچ سیاسی طور تے کم تھیونڑے۔انہاں آکھیا جو کالعدم تنظیماں تے بڑے ٹائم توںاعتراض تھیندا پئے۔ایہ سیاسی جماعتاں عرصے توں حکومت اچ رہیاں۔ اساڈی حکومت ایں معاملے کوں چنگے طریقے ڈیل کرنڑ دا ارادہ رکھیندی ہے۔ مشیر تجارت عبدالرزاق داود اتے چیئر مین سرمایہ کاری بورڈ ہارون شریف ایں موقع تے آکھیا جو ملائشین وفد اچ 35 سرمایہ کاراں دا وفد پاکستان آوسی۔ انہاں دے نال چاروڈے معاہداں تے دستخط تھیسن ۔ ڈوہائیں ملکاں دی حکومتاں اتے بورڈ آف انویسٹمنٹ وچال مختلف شعبیں اچ تعاون کو ںودھایا ویسی۔انہاں آکھیا جو وزیر اعظم عمران خان سعودی عرب،یو اے ای،قطر،ترکی،اتے چین سمیت بئے ملکاں دے کامیاب دورے کیتے،جیندی وجہ نال ملک اچ ترقی اتے سرمایہ کاری دے نویں رستے کھل گن۔انہاں ڈسایا جو ملائشین کمپنیاں پاکستان اچ آئی ٹی،ٹیلی کام،توانائی،ٹیکسٹائل،زراعت اتے حلال فوڈ سمیت بئے سیکٹرز اچ سرمایہ کاری کرنڑ چاہندن۔

مضمون کا ماخذ : raspadinha resultados

متعلقہ مضامین