ݙوہزار 22 دا سیلاب موسمیاتی تبدیلیاں دا واضح اشارہ ہئی ، انجینئر خرم دستگیر

اسلام آباد۔19جنوری(اے پی پی) وفاقی وزیرتوانائی انجینئر خرم دستگیر آکھیے جو پاکستان موسمیاتی تبدیلی توں متاثرہ ملک اے تے 2022 دا سیلاب موسمیاتی تبدیلیاں دا واضح اشارہ ہئی ، اساکوں مستقبل اچ وی ایں طرح دے حالات کیتے ہر ویلھے تیار رہݨا ہوسی ۔ خرم دستگیر خمیس کوں اتھاں ھک تقریب توں خطاب کریندے ہوئیں آکھیے جو سندھ، بلوچستان اتے جنوبی پنجاب دے علاقے سیلاب توں زیادہ متاثر تھئن، لوکاں دی زرعی زمین اتے فصلاں تباہ تھئن،سیلاب متاثرہ علاقیں توں نکاسی آب ھک اوکھا مرحلہ ہئی جیں نال نبݨݨ کیتے حکومت سارے وسائل کوں بروئے کار گھن آئی۔ وفاقی وزیر آکھیے موجودہ حکومت ٻہوں تکھے سیلاب دی وگڑدی صورتحال تے قابو پاوݨ دی کوشش کیتی پاݨی دے ذخائر اچ اضافہ کرݨ ناگزیراے،2022 دا سیلاب موسمیاتی تبدیلیاں دا واضح اشارہ ہئی ، اساکوں مستقبل اچ وی ایں طرح دے حالات کیتے ہر ویلھے تیار رہݨا ہوسی ۔ انہاں آکھیے جو سیلاب توں متاثرہ علاقیں اچ بجلی دا نظام شدید متاثرتھیا ہئی جیں دی بحالی کیتے حکومت اقدامات کریندی پئی اے تے ٻہوں سارے علاقیں اچ بجلی دی بحالی دا کم مکمل تھی چکیے ۔ انجینئر خرم دستگیر آکھیے پاکستان دی 75 سال دی تاریخ اے، اساکوں اے طے کرݨا ہوسی جو اساکوں ملک کوں کیڑھے پاسے گھن تے ونڄݨا اے ،پاکستان دی نویں نسل ملک دی ترقی اچ آپݨا حصہ پیسی تے اساکوں پاکستان کوں معاشی طور تے مستحکم کرݨ اچ آپݨا کردار ادا کرݨا ہوسی ۔

مضمون کا ماخذ : لاٹوفاسیل

متعلقہ مضامین