اقوام متحدہ ۔27جنوری(اے پی پی):اقوام متحدہ اچ پاکستان دے مستقل مندوب منیر اکرم آکھیے جو اقوام متحدہ دی سلامتی کونسل کشمیریاں تے فلسطینیاں کوں حق خود ارادیت دا استعمال کرݨ دے قابل بݨاوے۔ انہاں سلامتی کونسل اچ نمائندیں توں خطاب کریندے ہوئیں آکھیے جو لوک ایں عالمی نظام دی بنیاد ہن جیں دا تصور اقوام متحدہ دے چارٹر اچ کیتا ڳئے ۔ انہاں آکھیے اگرچہ اقوام متحدہ دے 193 رکن ملکاں اچوں ودھ سارے ملکاں آپݨے حق خود ارادیت دا استعمال کیتے، لیکن ٻہوں سارے ایجھے ہن جنہاں غیر ملکی قبضے اتے جبر دی وجہ توں ایں حق دے استعمال توں روک ݙتا ڳئے ۔ انہاں آکھیے انہاں اچوں ݙو کونسل دے ایجنڈے اچ ساریں توں اوکھے جھیڑا فلسطین اتے جموں و کشمیر ہن جتھاں عوام دے حق خودارادیت کوں دبایا ویندا ہئے جیڑھا جو بین الاقوامی امن و سلامتی کوں خطرے اچ پیندے پئن ۔