لاہور۔27جون(اے پی پی)وزیراعظم محمد شہباز شریف معاشی صورتحال دی بہتری دے اہداف مشترکہ کوششاں نال پورے کرݨ دا عزم دوہریندے امید کیتی اے جو آئی ایم ایف پروگرام دے نکات تے اتفاق ہک ݙو ݙینھ اچ آئی ایم ایف دے فیصلے دی شکل اختیار کریسی۔ وزیراعظم محمد شہباز شریف آئی ایم ایف دی منیجنگ ڈائریکٹر کرسٹالینا جارجیوا کو منگل کوں سویلے فون کیتے اتے انہاں نال آئی ایم ایف پروگرام دے معاملیاں تے الائے۔ منیجنگ ڈائریکٹر آئی ایم ایف وزیراعظم نال اڄوکیاں ملاقاتاں سانڳے وزیرخزانہ اتے انہاں دی ٹیم دی آئی ایم ایف پروگرام مکمل کرݨ کتیے کوششاں دی تعریف کیتی۔ منیجنگ ڈائریکٹر آئی ایم ایف آکھیا جو آئی ایم ایف پاکستان دی معاشی صورتحال دی بہتری چاہندے۔