معیشت بہتری آلے پاسے ٹردی پئی اے، اگست اچ سیاسی تے معاشی حالات معمول تے آویسن، دوست ملکاں توں اٹھ ملین ڈالر ملسن، وفاقی وزیر خزانہ دی پریس کانفرنس

اسلام آباد۔20جولائی (اے پی پی) وفاقی وزیر خزانہ مفتاح اسماعیل آکھیا جو معیشت بہتری آلے پاسے ٹردی پئی اے، اگست اچ سیاسی تے معاشی حالات معمول تے آویسن، دوست ملکاں توں اٹھ ملین ڈالر ملسن۔ پاکستان دا آئی ایم ایف نال معاہدہ تھی ڳئے، ہݨ کوئی رکاوٹ کائنی، ڈالر دی قدر اچ ودھارے اچ ݙو ڈینھ دی سیاسی صورتحال دا ٻہوں وݙا ہتھ اے۔ ملک اچ سٹھ ݙینھ دا ڈیزل موجود اے۔ ہک دوست ملک 1.2 ارب ڈالر دی آئل فنانسنگ کریسی۔ اے ڳالھیں انہاں بدھ کوں نیوز کانفرنس نال خطاب کریندیں ہوئیں آکھی۔ انہاں آکھیا جو ایجھا کوئی قدم کائنا چیسوں جئیں نال رکاوٹ تھیوے جڈانجو آئی ایف ایم توں معاہدے دے بعد ورلڈ بینک توں وی پیسے آویسن۔ درآمدات ودھ تھیوݨ نال چھیکڑی چھی مہینے اچ روپے دی قدر ودھی اے۔ پچھلے ترائے مہینے توں کوشش اے جو برآمدات ڳھٹ تھیوے۔ گزریل سال اسی ارب روپے دی درآمدات تھین۔ وزیرخزانہ آکھیا جو ملک اچ سٹھ ݙینھ دا ڈیزل موجود اے اتے امپورٹ کوں ایکسپورٹ اتے ترسیلات زر دے برابر ڳھن آوݨ دی کوشش کریندے پیوں۔

مضمون کا ماخذ : Loteria Instantânea

متعلقہ مضامین