وزیرِاعظم محمد شہباز شریف سعودی عرب دا ݙو ݙینھ دا سرکاری دورہ مکمل کرتے ریاض توں قطرروانہ

ریاض۔30اکتوبر(اے پی پی) وزیرِاعظم محمد شہباز شریف سعودی عرب دا ݙو ݙینھ دا سرکاری دورہ مکمل کرتے ریاض توں دوحہ، قطر روانہ تھی ڳئن۔ریاض دے نائب گورنر شہزادہ عبدالرحمن بن عبدالعزیز شاہ خالد بین الاقوامی ہوائی اݙے تے وزیراعظم کوں الوداع کیتا۔ وزیراعظم دفتر دے پریس ونگ توں جاری بیان موجب ایں موقع تے پاکستان دے سعودی عرب اچ سفیر احمد فاروق اتے پاکستان و سعودی عرب دے اعلیٰ سفارتی افسر تے اہلکار وی موجود ہن۔ وزیراعظم ریاض اچ اٹھویں فیوچر انویسٹمنٹ انیشیٹو (ایف آئی آئی ) اچ شرکت کیتی تے خطاب وی کیتا۔ وزیرِاعظم فورم اچ پاکستان دی سرمایہ کاری دی استعداد تے حکومت دی طرفوں معاشی اصلاحات اتے کاروبار و سرمایہ کاری دی سہولت سانڳے چاتے ڳئے اقدامات کوں اجاگر کیتا۔ وزیرِاعظم دی اعلیٰ سعودی قیادت بالخصوص ولی عہد سعودی عرب محمد بن سلمان بن عبدالعزیز آل سعود نال وی ملاقات تھئی جتھاں انھاں ݙوہیں ملکاں وچال ݙوطرفہ تعلقات کوں مزید ودھاوݨ تے ڳالھ مہاڑ کیتی ۔ وزیر دفاع خواجہ محمد آصف، وزیرِ خزانہ محمد اورنگزیب، وزیرِ نجکاری عبدالعلیم خان، وزیرِ پٹرولیم ڈاکٹر مصدق ملک، وزیرِ تجارت جام کمال خان تے وزیر اطلاعات و نشریات عطاء اللہ تارڑ وی وزیر اعظم دے رلے ہن۔

مضمون کا ماخذ : آن لائن لاٹری کے انعامات

متعلقہ مضامین